“OBA” marketlər şəbəkəsinin mentor administratorları şirkətin Logistika Mərkəzinə səfər edərək burada həyata keçirilən proseslərlə tanış olublar.
“OBA” marketlər şəbəkəsinin mentor administratorları şirkətin Logistika Mərkəzinə səfər edərək burada həyata keçirilən proseslərlə tanış olublar. Səfər zamanı mentor administratorlar anbarın fəaliyyətini yaxından izləyərək, iş axını və yenilikçi yanaşmalar haqqında ətraflı məlumat əldə ediblər. Həmçinin, onlara anbara daxil olan məhsulların keyfiyyət yoxlaması, miqdar təsdiqi və qəbul qeydlərinin aparılması prosesi də izah edilib.
Təhlükəsizlik və sanitariya standartlarına uyğunluq məsələlərinin də izah edilməsi ilə mentor administratorlar bu sahələrdəki prosesləri izləməklə, anbarın səmərəli fəaliyyətini təmin edən praktikaları öyrənmiş oldular.
Səfərin ardından idarə heyətinin sədri Natəvan İbrahimova və digər üzvlər mentor administratorlarla çay süfrəsində bir araya gəliblər. Səmimi görüşdə administratorlar suallar verərək, şirkət strategiyası və gələcək planları ilə bağlı fikir mübadiləsi aparıblar. İdarə heyətinin üzvləri mentor administratorların təklif və rəylərini dinləyərək, qeydlər aparıblar.
Görüşün sonunda xatirə fotosu çəkilib.
Əməkdaşlıq ruhunu daha da möhkəmləndirmək məqsədilə həyata keçirilən belə tədbirlər “OBA” marketlər şəbəkəsinin gələcək uğurları üçün yeni imkanlar yaradır.
